Hain Kya Hua ..Kya Hua .. ??

Hain Kya Hua ..kya hua ..

Ekakani Natak ..

Jagah: Ek colony ke park ki bench par

Patra : 2 adher umar ke vyakti jo har baat pe gyan dete hain aur dikhate hain ki who kitna jaante hain ..

Samay: Sham ek yahi 7 baj rahe hain

Patra 2: bathe kuch soch rahe hain ..unke chehre par sawaal ke sign ..

Patra 1: unki oor aate hue ..ruk kar bolte hain ..

Patra 1 : hain kya hua ?

Patra 2  :    kya hua?

Patra 1: yeh sawaalon se bhare chehre ka matlab ?

Patra 2 : dimag ki batti gul hai  kuch vichar nahin aa rahe

Patra 1 : ohh ho accha accha power supply down hai lagta .. power station check kariye

 Patra 2 : haan major fault hai udhar govt ko tax nahin dene se power ban ho gaya hai poore rajya ka

Patra 1 : tax bahriye zurmane ke saath.. kuch rishwat khilaye , power aa jayige

Patra 2: khilane ke liye to nahin hai.. pila sakte hain

P1 : aree toh pila hi dijiye

P2 : par soch rahe the koi gair-paramparik urja source par kyun nahin dhyan kendrit kiya jaye

P1: aree pehle asal wali power toh layiee phir ..gair paramparik urja par kaam kariye

  insaan saans toh lega na bhala khaye kuch bhi

P2: nahin aap sochen jab amrika ne humare nuclear test ke baad ban lagaya tha to humne bahut creativity dikhayi thi aur self-sustaain ho gaye the ...aap atalji se pooch le

 P1: yeh acchi baat nahi hai ..  jo baat ho woh aap secular non secular par laa ke khada kar dete hain ..

P2 :baat to emergency se shuru hoti hai

P1: baat tab shuru hoti hai ki jab gandhiji ne calutta mein staygarha kiya tha dange rokne ke liye

 P2:  main to kehta hoon yahan bhi reinessance jaisa kuch hona chahiye.. ye lokpal ek achhi shuruat hai..rom rom me rome bas sakta hai yahan bhi

(P1 khudte hue mann mein sochte hain..accha abhi itaaly se wapas aaye toh shaan dikha rahe.. abhi batata huun )

 P1: dekha yeh italy ke log sab jagah pehle hue hain .. hamrare upar raj karna chahte hain

apni roman empire to dedh gayi …  soni ki chidiya hi dikhti hai abhi bas

 P2: aajkal waise bhi sabhyata to rahi nahin ..hum aap to bas ghoom phir ke haath aur kamal ke beech me ghoom rahe hain bas

 P1 : aree kya baat keh di apne ..bas haath kamal to pyar se pakad le..  toh gandhiji ka sapna sach ho jaye

 P2 : aji gandhi ji ke to bahut sapne the.. unme se kuch shayad amsterdam me sach hote honge

P1: haan jaise hamam mein sab ......hote hain waise sauna mein bhi sab ... hote honge

P2: aree hamam se yaad aaya ..mujhe nahana hai .. nahi aap toh jaante hain Sarla khana nahi khane degi.. chaliye chalat hain .. tata

P1: tata tata…

P1 aur P2 apne apne gharoon jaate hue .. manch ki lights dheemi hoti hain…

……………………………….Parda girta hai ……………………………………………………..

Written ..rather created and inspired on 14th April 2011

( This conversation was inspired by a conversation between two friends where the discussion thread jumped hoops from one track to another and made no sense. When we converse we love toshow others how much we know and how clever arguments we can make.. but sometimes its turns absurd but hilarious. I thought of using the Devanagari script but them thought ki roman script will give a nice feel to this natak. Chaliye abhi chalat hain phir mulakat hogi.:) )